ANIZTASUNAREN PARADISUA ZABORTEGIA BIHURTU

Azken elurteetan Urkiola zaborrez bete dela salatu dute parke naturaletik. Horren ondorioz, garbitzen laguntzeko deialdia luzatu dute   ostiralerako eta iganderako.

Urtean zehar kontzientziazio kanpaina ezberdinak burutzen diren arren,  batzuek ez dute ezer errespetatzen.  Etxe oneko jendeak badaki bakoitzaren zarama etxera eraman behar dela. Ez nago edukiontzi batetan uztearen alde, haize dagoenean dena zabaltzen baita.

Azken egunetan elurraz gozatzera joan direnek dena hankaz gora utzi dute. Trineo apurtuak, botilak eta plastikozko poltsak botatzearekin ez dira konformatu. Inolako lotsarik gabe heziak ireki dituzte eskiatzeko eta abereak ihes egitea erraztu dute. 

Hau ez da Astun, parke naturala baino eta aspaldian erabileren eta jardueren kudeaketa-arauak definitu dira. Aisialdirako espazio moduan erabiltzen denean debeku batzuen artean daude, besteak beste, ibilgailuak aparkatzea guneetatik kanpo, parkeko lasaitasuna eta baretasuna etetea musika-tresnekin eta parkeko bidexketatik kanpo ibiltzea. 

Basozainak ezezik,  bideo-zaintza kamerak eta dronak ere behar-beharrezkoak dira, isuna itxurako agur berezia egiteko nazkagarri hauei.

Gure agintariak ez badira gai zakar hauei aurre egiteko, parke naturalak bezalako tokiak itxi beharko dituzte.