Munduko Osasunaren Erakundearen arabera urtero 7 milioi pertsona hiltzen dira poluzioaren ondorioz.
Arnasten dugun aireak substantzia toxikoak dauzka. Aireko partikula finen jatorria trafikoan eta industrien igorpenetan ezezik, etxeetan, hondakinen errausketan eta ikatzez hornituriko zentral elektrikoetan ere aurkitzen dira.
Poluzioak arazo ugari sortzen ditu biztanleriarengan (arnas infekzioak, biriketako minbizia, kardiopatiak eta ezbehar zerebrobaskularrak).
Baina zer motatako neurriak hartzen dituzte gure agintariek atmosferara substantzia kutsatzaileen igorpena kontrolatzeko? Eusko Jaurlaritzak dituen neurketa estazioak ez dira nahikoak. Gainera, azken urteetan Portugalete, Getxo, Santa Ana, Zorrotza, Indautxu, Arrigorriaga eta Elorrietakoak ezabatu dira. Aipatu beharra dago Bilboko Portuan egindako neurketak ez dituela kontutan hartzen Eusko Jaurlaritzak airearen kalitatearen neurketan. Honela, bada, ez dira Europako Batzordera bidaltzen.
Santurtzin dagoen Bilboko portuko hiru neurketa estazioek PM10 eta PM2,5 mailak egun eta urteko gomendioak gainditu zituen. Munduko Osasunaren Erakundeak gomendatzen duen Sufre Dioxidoaren maila 3 aldiz gainditu zuen bakarra izan zen.
Hona hemen 2018an argitara eman ziren txostenak:
Eusko Jaurlaritzakoa eta estatukoa (hau gaztelaniaz).
iruzkinik ez:
Argitaratu iruzkina