Ez du ematen gauza handirik ospatu behar dugunik, batik bat biodibertsitateari buruzko azken txostena kontutan hartzen badugu.
Nazio Batuen Erakundeko adituen esanetan zortzi milioi espezietatik, milioi bat desagertuko dira datozen urteetan. Bioaniztasun honen galerak badu zerikusia garapenarekin, ekonomiarekin, segurtasunarekin eta balio sozialekin eta moralekin. Ekosistema guztien artean kaltetuena itsasokoa izan arren, lurrekoa pare-parean dabil %75arekin eraldatuta modu esanguratsuan.
Azken urteetan natura kontserbatzeko eta modu jasangarrian erabiltzeko egin diren politikek porrot egin dute. "Aurretik ezagutu gabeko atzerakada" baten aurrean gaude eta arazoari buruzko kontzientzia izatea ez da nahikoa. Konpromezuak ekintzak bihurtu behar dira. Azken finean gure ongizatea eta bizi-kalitatea kolokan daude.
"Museoak kulturaren ardatz gisa: tradizioen etorkizuna" lelopean hainbat jarduera eskainiko dira doan Bizkaiko 38 museotan.
Museoak, gizartea bezala, aldatzen ari dira. Haien tradizioak mantenduz, saiatu dira behin eta berriro gizarteari hurbiltzen interaktiboagoak izanez.
Biltegiratzeko tokiak hezkuntzarako tresnak bihurtu dira. Museo ibiltariak gero eta gehiago ikusten dira. Bisitariek eskura dute partekatzea eta elkarri eragitea.
Museoen nazioarteko egunaz gozatu nahi baduzu hona hemen egitaraua.
Munduko Brusela lehiaketaren 26. edizioa ospatu zen Ainglen (Suitza) maiatzaren 2tik 5era bitartean.
Bertan aurkeztu ziren 46 herrialdeko 9.150 ardo. Guztien artean Gorka Izagirre upategiko txakolina ezezik, beste Bizkaiko txakolin bi ere aukeratu zituzten.
Aspaldian euskal gastronomia munduko onenetarikoa bihurtu da.
Maiatzaren 10ean Hegazti Migratzaileen Munduko eguna ospatuko da.
Hegaztien kontserbazioaren alde borrokatu nahi badugu ezinbestekoa da plastikoen kutsadurari aurre egitea.
Aurtengo gaia "Hegaztiak babestu: plastikoen kutsaduraren aurka zeozer egin " da. Bai, gaia ez da atzo goizekoa. Egunero plastikoek ingurumenean sorturiko arazo larriei buruzko txostenak, bideoak eta erreportaiak ikusi eta entzun ditzakegu. Hala ere, ez du ematen borondate handirik dagoenik arazoa konpontzeko. Behar-beharrezkoak dira erantzun zehatzak eta horiek dira plastikoak fabrikatzeari uztea.
Kontsumitzaileok ezer gutxi egin dezakegu arazoa konpontzeko. Egia da ekimen batzuk aurrera eraman ditzakegula (3 "R", toki batzuen garbiketa, plastikoen kalteak jakinaraztea), baina ezertan geratzen dira plastikoen ekoizpena gehiegizkoa baita. Are gehiago, ekoizpen hori urtez urte gora doa. Eta tamalez, holan jarraituko du ekoizten dutenek interes ekonomiko handiak baitituzte. Estatu espainolean 50 milioi edaritarako ontzi ekoizten dira egunero eta horietatik erdia baino gehiago ez da ez birziklatzen ez berrerabiltzen.
Plastikoak naturaren minbizia bihurtu direla argi dago.
Datorren maiatzaren 19an "Txikito" jatetxeak antolaturiko txakolinaren festa ospatuko da udaberriari harrera emateko. Aurten jasotako dirua "Esperanza NY" irabazi-asmorik gabeko erakundeari emango diote.
Arratsaldeko 13:00etatik 16:00etara txakolina edateko aukera paregabea giro ezin hobean.
Maiatzaren 3tik 12ra Santurtziko parke nagusian egongo da.
Azokako standak goizean 11:00etatik 13:30ak arte egongo dira zabalik eta 17:00etatik 20:00etara arratsaldean.
Erakusketa eta nobedadeen salmentan liburu eta diskoek %10eko deskontua izango dute.
Azokako standetan "Euskal emakume poetak" erakusketa izango da ikusgai.
Urtero legez idazleak egongo dira euren liburuak sinatzeko. Bestaldetik, idazleek hitzaldiak emango dituzte Dorretxean.
