"Euskara, Euskal Herria, agian, zaharregia, txikiegia dela gaur egungo garaietarako, baina azken finean, euskaldunok munduari begiratzeko modu jakin bat eskeintzen dugu, bizitzeko eta sentitzeko modu bat."
Aspaldian daramagu hitz politak baino hitz diplomatikoak erabiliz (borondatea, nahia, gogoa ...). Bada garaia bakoitzak berea jasotzeko, bizikidetzaren eta berdintasunaren izenean, eta hori ez da lortzen gutxi hitz egiten den tokietan trilinguismo delako hori bultzatzen bada. Betidanik irakatsi didate familiak babestu behar duela aukera gutxiago duen seme-alaba. Ez ordea, beste bat izatea, zeren, holan, ezberdintasunak areagotzen baitira.
Txantxangorria bezala, euskaldunok gure lurraldearen zaindari amorratuak izan gara betidanik. Itxuraz, txikia, polita, ahula iruditu arren ez da inoren beldur eta badaki bere lurraldearen mugak zaintzen, izaera maitagarri hori galdu gabe.
Inoiz baino gehiago euskara behar beharrezkoa da gaur egungo garaietarako.
iruzkinik ez:
Argitaratu iruzkina