OPORRAAAAAAAAAKKKK!!!!!!!

Bai, azkenean ailegatu dira.

Hauxe da jasoko duzun azken postala. Ondo pasa oporretan.

EUSKAL ASTEKO JAIA

Bihar, ekainaren 20an, jolasak eta tailerrak egongo dira. Hemengo ohiturari jarraituz, hamaiketakoa ez da faltako.
Gogora ezazu arrantzalez jantzita etortzea. 

ESKULANEN ERAKUSKETA

Euskal astearekin batera urtean zehar eginiko eskulanen erakusketa hasiko da hurrengo astelehenean, ekainaren 18an.
Ahal den neurrian, birziklatzeko materiala erabiltzen saiatu da, ingurugiroarekin harturiko konpromezua begirune izaten delarik.
Aldi berean landutako gai batzuekin erlazionatu dira (nazioarteko egunak, gabonak, inauteriak, aita/amaren eguna, ingurune, matematika, e.a.).

Ezin baduzu hurbildu eskolara edozein arrazoiengatik, hementxe bertan argitara emango direla jakin ezazu. Beste gauzatxo, astelehenean bertan hurbiltzen denarentzat  ezin izango du artistekin berbetan egon, beste konpromezuak baitituzte. 

                                         Bai horixe, igerilekuetan egongo dira.

EUSKAL ASTEA

Holan idatzita ez du ematen hainbesterako denik, zera, 365 egunetik zazpi egun euskal astea ospatzeko. Baina zazpi egun?
Aintzinean, kristautasuna ezarri baino lehen euskal astea hiru egunekoa zen. Hortik bere izenak:

• Astelehena
• Asteartea
• Asteazkena

Hala ere, kristautasunaren eraginaren ondorioz zazpi egunetara pasatu zen. Hori dela eta, lau egun gehiago gehitu ziren: osteguna, ostirala, larunbata eta igandea. 
Baina egon lasai, asteburuan lan egiten ez denez, bost egunetan zehar ospatuko dugu gure euskal aste maitea. Honela, bada, ez da hainbesterako. 
Behintzat, urtean zehar oso gutxitan erabiltzen baduzu euskara, egun berezi hauetan  erdara utzi alde batean. Ez ekarri motxilarik,  euskara baino ez. Ez bada ere, hurrengoa gogora ezazu:
Euskara da euskaldun egiten gaituena.
Prest al zaude euskal asteko egitaraua ezagutzeko?
Eskolan ekainaren 18tik 22ra ospatuko dugu. Ekintza ezberdinak izango dira: bioaniztasunari buruzko bideoak (hizkuntzak), jokuak,
dantzak, euskal kirolak, tailerrak, e.a.
Bueno, hementxe dituzu asmaturiko bertso batzuk. Berria naizela kontuan izan. Honela, bada, egon lasai, seguru zuk askoz hobeto egingo duzula, baina irrikitan nengoenez ...

Egun bereziak ta alaiak,

ez izan zalantzarik,

aldarrikatu gure sustraiak,

alferkeria barik.

Txistuak, soinuak, irrintziak,

euskara da bakarrik,

poztuko dituena bihotzak

inolako neurririk.

Gora Santurtzi, gora gutarrak,

ez izan zalantzarik,

egiten gaituena euskaldunak,

euskara da bakarrik.

                                

                

EKAINAK, 5 - INGURUGIROAREN NAZIOARTEKO EGUNA

Nazio Batuen Giza Inguruneari buruzko Konferentziak 1972ko abenduaren 15ean aldarrikatu egin zuen egun hau Estokolmoan (Suedian). Honen helburu zera izan zen:  ingurugiroak duen garrantziaz eta ura zaintzeko beharrez ohartaraztea.

Urtero ekintza ezberdinak antolatzeaz aparte, gai ezberdinak tratatu dira. Aurtengo leloa "Energia iraunkorra denontzat" eta Brasilen izango du egoitza.
Ekimena honen bidez, energiaren eraginkortasuna eta energia berriztagarriak bultzatu nahi dira, herrialde girotuei energia ez kutsakorrak erabiltzeko aukera emanez.
Azken urteotan herrialde batzuk energia-kontsumoa ikaragarri gehitzen ari dira. Txinaren kontsumoa % 200 hazi da milurte hau hasi zenetik. Brasil, India, Errusia eta beste batzuk ez dira atzean geratu. 
Baina zer gertatzen da munduko beste herrialdeetan? 1.400 milioi lagunek ezin dute energia iturririk eskuratu eta 3.000 milioi ikatzaren menpe bizi dira.
Horrela  jarraitzerik ez zegoenez, NBEko Batzarrak hainbat konpromezu hartu zituen 2020rako:

• mundu guztiari bermatzea energia zerbitzuak eskuratzeko aukera. 
• energia kontsumoa murriztea % 20a. 
• energia berriztagarrien erabilpena handitzea % 20a. 
• CO2 ixuriak gutxitzea % 20a.

Gauza izango al gara 2020 urterako "20 hirukoitza" betetzen?
Ingurugiroarekiko sentsibilizazioa gero eta handiagoa dela argi dago, baina nahikorik?

Hona hemen  ospaturiko azkenak. Danak ez dagoz, zeren, 1974tik gaurdaino, zerrenda luzeegia baizen. Baina, tira, bada, jakiteko urte ezberdinetan zein izan den harturiko konpromezua, nik uste nahikoa dela.


2012     Energia                                                       Brasil
2011     Basoak                                                         India
2010     Espezie asko. Planeta bat. Etorkizun bat.    Rwanda                                                   
2009     Zure planetak zu behar zaitu
             aldaketa klimatikoa saihesteko!                  Mexiko hiria
2008     Ahaztu ohiturak! Karbono  baxuko
             ekonomia baten alde                                    Wellington                                         
2007     Lurmentzea, gai goria                                  Tromso
2006     Ez utzi basamortuak alde batera!                Aljer
2005     Planetarentzako planak                          San Francisco
2004     Itsaso eta ozeanoen bila. Bizirik 
             ala hilda?                                                     Spain
2003     Ur geza                                                        Libano
2002     Eman aukera lurrari                                    Txina
2001     Konekta zaitez bizi-katearekin                  Italia eta Kuba 
2000     Ingurugiroaren milurtea. 
             Jokatzeko garaia da.                                     Australia
1999     Gure lurra, gure etorkizuna
              Salba ezazu!                                                 Japon

Orain bideoak ikusi eta hausnartu .